Kevin Chan 寫:
Andy Kong 寫:
同意波波慈兄的講法,玩車又唔一定要玩改車,沒車又無必要玩到抬 engine, 始終唔係廠,手作仔無得測試,安全系數全部靠估,係條路上跑,有事時對周邊的車和人都唔好,你落 track 就點玩都得!
始終要顧已及人,要人同你承擔風險唔係咁好,加大 brake 或改軚等我覺得只要唔太過份,係reinforcement, 自己玩得心安理得,可能我自己保守,去到絞牙避震己經過唔到自己個關!真係下下去到咁盡,玩車一族遲早變 socially unacceptable group!
若論經濟效益,長遠計玩改車真係比玩廠事貴!真係全改部 Civic, 除時貴過部二手 M3, 何必呢!
呢方面o既問題我都想問o下Andy兄,其實你點去define一間"廠"?
因為我睇你對於改裝,好似對於非"原廠"手工及data非常之concern.我o地遂樣睇:
1.手工
全世界我估都有呢個情況,就係d技工有冇跟足原廠procedures及力度去上返每一粒縲絲?返廠都唔會個個咁同你做,一般車房.唔到(車房自己認為)最重要o個幾粒你都唔使諗......
所以,如果你部車曾經維修過(或者只係換過偈油、車呔都好),我個人認為你部車已經失去o左一d"原廠"data!!
2.原廠data
乜o野為之"原廠"呢??豐田、本田、日產、賓士、寶馬等就係廠......咁TRD/Tom's、無限、Nismo、AMG、AC Schnitzer又算唔算係呢?佢o地會唔會測試佢o地d products呢?又好似你講話絞牙避震,例如日本大廠Showa/KYB呢d專家,佢o地自己出或者OEM一套絞牙避震畀人......咁.....???仲有,而家好多絞牙避震都可以較軟硬,換o左唔一定要set到硬過"原廠"o既~~~
其實香港法例好戇居,改裝o個part好似話係70年到而家都未修訂過!!有人話你部車黐個香精又唔得,貼張貼紙都可以告非法改裝.......雖然係好笑話,但係如果話你換過四條軨同呔都可以捉,咁你又點睇呢??
PS
而家改晒一部EP3 Civic Type R加多少後備parts去落場大約要100個,絕對貴過一部全新E46 M3!!但我又絕對相信,部Civic一定快過部M3喎!!
我担心的,係一眾香港車房高手那種斷估的改車手法,我信佢地手工可以好過原廠保養 嗰班 team,但人地架車出得廠,過得 ISO 同 TS, 所經過的 testing 和 design proof, 並不是車房仔攞本 catelog 就可以計出來的!所以我唔信嘅係佢地的 design, 唔係佢地的安工。 小弟有幸管個間廠,因某些產品需用作汽車導航的重要沮組件,所以需伸領 TS16949 certificate, 叫做捱過下個 process, 對汽車製造業的前期工作流程,叫做略知一二,我可以斷言,香港班改車幫車房,能夠班同有資源去做 comparable level 的 design proof, 一定係一百個無一個!
大家無謂又攞返D低 B 辯論技巧呢玩 definition 和 以 extreme situation 去falsify 別人立場。大家諗真下,你用上鏍絲時用不合規範的 torque, 同檯過副 engine 將個 torque 加大成倍來相提並論? Kevin 唔知理唔理解 engineering 上的 tolerance level 觀念!Engineer 不是完美主義者,所以同原廠 data 有出入無問題,只要不超標便可,所有 Eingineering spec. 都會有 tolerance level。所以我原則認同你話架車整過都同原裝出廠套 data 有出入,但這出入會對 deviate from tolerance level? 至於上文所提及那種改車手法會否超出廠所定的 tolerance, 大家心和肚明啦。
又係個句,咪再玩辯論啦,呢家嘢我曾經幾掂下,但己久不彈此調,亦不想在兄弟地盤破界,大家開心見誠講件事,係講開檯 engine 換 gear box 大改,咪 focus 返呢樣羅,講乜鬼貼張貼紙加寬車軚擰鏍絲呀!再者,我一路都係話
引言回覆:
始終要顧已及人,要人同你承擔風險唔係咁好,加大 brake 或改軚等我覺得只要唔太過份,係reinforcement, 自己玩得心安理得,可能我自己保守,去到絞牙避震己經過唔到自己個關!真係下下去到咁盡,玩車一族遲早變 socially unacceptable group!
真係無提過 30 年前已訂的法例。我只是訴之於群眾,而群眾係不會將黐香精貼貼紙同抬 engine 換 gearbox 相提並論的。
我都知道全改部 Civic 大約要幾多,坊間雜誌亦頗多大事吹噓,亦相信佢快過部 M3。 我都揸過某架 檯了 engine 加了 supercharge 的 Levin, 係快過我部 190E 2.5-16,但快唔係 driving fun 的全部。我揸部 2.5-16, 去到 200km 都仲可以轉 CD 同隔離傾計,但部 Levin 過百七就有種同架事博鬥的感覺,係快,但對我而言,並不代表 fun!但竟然有人話改部 Civic 就你玩車,買架 M3 就只可以話用車!咁唔通部 Levin 改到超出車架負荷就你玩車,我用二年時間才揾到部 2.5-16, 千補萬補才keep 到三年就係用車?有無荒謬D呀!