IMA 流動資訊站

點解去維修要有單據！保養的條件不是只係行貨就會有保養咩？如果我買了部機又唔見了張單，咁唔通唔保呀！到底原廠在受保行貨機同時就冇寫清楚係要有單先保？就算有我覺得都係一條不合理的條款，如果我拿部冇單的行貨機上去話唔同我保，我一定會去消委會投訴。

我覺得對其他人係公平d。

保障公司，保障客戶，
有單先至保。

打擊二手巿場

點解要打擊二手市場？部手機在二手市場活躍，對一手市場都有幫助

你估去消委會投訴就大晒咩,人地公司有保養條款,唔係投訴就得,下次我都去消委會投訴話SE唔肯一蚊賣部電話給我先

以我個人經驗,Sonyericson 係唔駛一定要單.
只要你是真的遺失了或者係沒有帶. (我未試過騙他們, 真的是沒有帶,以為認label就得.)

有一次我拿單出來, 佢都唔望一眼, 只係以機身number 同佢個電腦對, 已經ok 晒.

又有一之我部機忽然有事, 放工上去旺角, 我話沒有帶單在身. 佢地一樣同我攪掂.

如果你是在sonyericsson shop (專門店)買, 就更加唔駛單, 因為部機上跟本連label都沒有. 皆因在那裡的貨全是特別number, 佢地一check 就知係行貨.

而家無呢支歌仔唱
尤其台機~
一定要單
唔係就去電訊商打証明

_________________
--
我未係sk~點解叫sk..小強lor

其實說明書最後果幾頁已經寫咗，去維修時要有單，你唔帶單去！SE唔幫你維修，你去消委會投訴都無用

其實香港差唔多所有做行貨保養的在保用期內進行維修都一定要帶單據。如Sony; Panasonic; Pioneer; Samsung; Creative....等 。

如果你唔見了張單又點証明你幾時買呢？...你唔好話買左成兩年又話唔見了張單，佢唔幫你整就去消委會投訴？
買二手的，又會唔會係老鼠貨你唔知呢？

就算你去消委會投訴都冇用，因為靜係以上兩個point都係好多公司既公司的Policy。同埋我都覺得係非常合理的條款。

完全唔關事. 保養應該係跟機, 唔係跟人.

但有一個解釋, 是証明你是從合法途徑擁有該手機

我同意帶單去保養只係要證明部機幾時買，但se 處用電腦對機身號碼就知部機幾時出廠，只係可能比你真正買的日期早少少，如果出廠日期都未夠一年，咁部機一定仲有保啦！

部機係二手機就唔保養呀？如果佢地證明到部機係老鼠機，咁可以報警，冇理由要消費者證明部機唔係老鼠機。

咁如果我在衛訊買了部機，但張單真係唔見左，咁佢地會唔會話冇單唔保養呀？因為張單未必個個用家會保管得好好，到部機用得 8，9 個月後，你叫搵番張單出來都幾難，唔通到時上去維修又話冇單唔保呀？如果係咁就真係冇道理，部機係唔係行貨應該係睇部機，唔係睇張單掛！

講真果句,出去se整機咁多次, 有邊次佢要make copy 張單, or mark 低單number 之類? 佢地廠需要資料, 就是手機上面的資料; 單據當初寫上的也是從手機上抄上去.

佢地望左張單一眼就ok, 主要係佢地電腦上有部手機的資料, 手機上number咪就係佢地發貨給零售商的資料吧.

如果說防盜, 也說不通, 現在好像沒有機制, 當手機報失了, 警方通知SE,SE凍結佢? 買車就有; 而且手機也沒有轉手制度合約等法律上的約束.

所以我覺得係有酌情的.
當你同客服員傾既時候, 就要看你既presentation了.
如果是真實無欺騙是不見了單子,也可以提供零售店名稱,地址,大概日期等, 好過咩野都無得講. 如果係撻人地部機, 部機係開唔著既, 咁你心照啦,執生吧; 反之撻番黎著既話, 你同佢講, 你點會仲拿上來排隊整? 係路口放左佢啦..

手機我覺得有得酌情, 反而公司的設備如打印機,網絡設備, 廠商就真的一定要求出示單據, 因為, 我們不能說公司亂放了,不見了,等因原,很丟面子. 但是手機這些連耕田叔叔都會用的東西, 應該給與酌情, 這也是納入他們的服務質素計算啊.

不合理la!!!
bcoz of 民事侵權條例
案例,1.SONYERICSSON D台機要客人帶單先肯整,但部機佢地check過而又係hong +未過保養期的,SE起初死話唔整, 但個客當然唔肯啦,人地唔係偷返黎,最慘係佢俾個台同SE當人球掟...最後佢去消委會投訴,d magazine, newspaper,投訴版,SE知道人地識投訴,唯有息事寧人...
不合理的條款 cannot taken over LAW.

_________________
S103>U636>K750i>903T>V3x>SX813>TS30>TS921>J100i>sx833>E590+703shf+sx313+K610i>K550i---W610i