IMA 流動資訊站

我係總部買左部自稱話係行貨,但係冇行貨貼子
但係裡面又有行貨果張"子"wor
咁除左呢樣野仲有冇其他方法分!?

簡單D講，冇行貨貼子既行貨只得 SONY Shop 買出 (係各大網絡商購入除外)！

再加上當你要維修的時侯係一定要出示購機發票！咁你估下 SE 維修中心會唔會接受總部個 D 鋪仔開出黎既發票呢？想知道答案好易，打去 SE 代理：8203-8863 問啦！

為左一百幾十，點解仲要去總部搏呢......

_________________
格言：過得自己過得人 ^^

總部入面有好多"寶物"嫁, 小心

_________________
最緊要簡單, 開心, 舒服!

SE 維修中心會接受總部個 D 鋪仔開出黎既發票

佢一check 個imei就知

點解去維修要有單據！保養的條件不是只係行貨就會有保養咩？如果我買了部機又唔見了張單，咁唔通唔保呀！到底原廠在受保行貨機同時就冇寫清楚係要有單先保？就算有我覺得都係一條不合理的條款，如果我拿部冇單的行貨機上去話唔同我保，我一定會去消委會投訴。

http://board.phonehk.com/viewthread.php?tid=197164&extra=page%3D3

注意：香港SonyEricsson既真正行貨定義

我有個同事上個禮拜上去MK既CS去整下佢部在2005年8月響SonyStyle買既W800i，跟據佢以往買SE行貨機既經驗，響買機後一個月內在網上登記保養可以多三個月既保養期。

咁我個同事上到去整機個陣，佢地既CS Staff就話佢部機已經在8月過左個保養期。咁我個同事就話佢部機既保養期應該響今年既11月先完結。

但個CS Staff就話佢部機響SonyStyle買既，同其它六大台機一樣唔係經由BPI提供的行貨。佢話只有響百老匯，雷射，豐澤，衛信等dealer先至係真正由BPI提供既行貨，仲要上去佢地Touch個website登記。所以就享用唔到佢地所提供多三個月既保養期。

佢仲話SonyStyle同台機都係由SonyEricsson Global直接入貨，所以唔怪之得買台機同SonyStyle既機都冇warranty label。

我個同事事後同我講番之前響SonyStyle買既T630i都試過在第十五個月保養期完結之前囉過上去upgrade firmware，所以佢就覺得好奇怪點解香港既SE代理咁麻煩既！唔係佢地所講既行機又幫佢地整同埋唔怪之得之前話整台機一定要有個台張offical receipt先幫你整機啦

咁即係如果唔係經佢地的dealer 買的機就係水貨機(在他們來說)，咁對一般人來說都幾煩，不如叫佢地登報紙講清楚只有貼紙的機才會得原廠保養仲好啦！

其實香港差唔多所有做行貨保養的在保用期內進行維修都一定要帶單據。如Sony; Panasonic; Pioneer; Samsung; Creative....等 。

如果你唔見了張單又點証明你幾時買呢？...你唔好話買左成兩年又話唔見了張單，佢唔幫你整就去消委會投訴？
買二手的，又會唔會係老鼠貨你唔知呢？

就算你去消委會投訴都冇用，因為靜係以上兩個point都係好多公司既公司的Policy。同埋我都覺得係非常合理的條款。

你冇睇法清楚紅色的部分？SonyStyle同台機都有十二個月保養期。

咁如果我在衛訊買了部機，但張單真係唔見左，咁佢地會唔會話冇單唔保養呀？因為張單未必個個用家會保管得好好，到部機用得 8，9 個月後，你叫搵番張單出來都幾難，唔通到時上去維修又話冇單唔保呀？如果係咁就真係冇道理，部機係唔係行貨應該係睇部機，唔係睇張單掛！